Zbornaja Ispanii vyjhrała finał Lihi nacyj
Učora pozna viečaram ispancy ŭ sieryi pienalci pieramahli Charvatyju ź likam 5:4.
19.06.2023 / 06:54
Fota: Martin Meissner / AP
Asnoŭny i dadatkovy čas zaviaršyŭsia biez zabitych hałoŭ. A ŭ sieryi pienalci pieramožny hoł zabiŭ Dani Karvachal.
U 2021 hodzie ispancy sastupili ŭ finale Francyi, zavajavaŭšy siarebranyja miedali.
U matčy za treciaje miesca zbornaja Italii vyjhrała ŭ Niderłandaŭ ź likam 3:2.
Tak zvany «finał čatyroch» pravodziŭsia ŭ Niderłandach.
Heta viadziecca pra dyvizijon najmacniejšych — dyvizijon A.
Zbornaja Biełarusi, jakaja vystupaje ŭ dyvizijonie S, u minułym rozyhryšy zaniała apošniaje miesca i zaraz, kab zastacca ŭ hetym dyvizijonie, u sakaviku 2024 hoda zhulaje z takim ža niaŭdačnikam zbornaj Litvy.
A siońnia viečaram biełarusy ŭ adboračnym turniry da Jeŭra-2024 zhulajuć sa zbornaj Kosava. U biełarusaŭ pakul try parazy ŭ troch matčach, u Kosava — try ničyi.
Čytajcie taksama:
Trenier Hieorhij Kandraćjeŭ: Nas nichto nie lubić
Zbornaja Brazilii pa futbole ŭpieršyniu zhulała ŭ čornaj formie. Čamu?