У БАТЭ значна знізілі заробкі — Трыбуна
У футбольным БАТЭ маюцца запазычанасці перад футбалістамі, і яны датычацца заробкаў — гульцы не бачылі грошай па кантракце ўжо пару месяцаў.
21.06.2023 / 09:41
Фота: fcbate.by
Некаторыя з іх з гэтай нагоды ўжо наўпрост звярталіся да кіраўніка клуба Андрэя Капскага, каб высветліць, як і калі сітуацыя вырашыцца. Кіраўнік ад канкрэтных абяцанняў устрымаўся, піша Трыбуна.
Ну а пасля паразы ад «Слуцка» (0:1) 4 чэрвеня калектыву было абвешчана пра значнае скарачэнне заробкаў — тыя ўпалі ў разы.
Па звестках крыніц «Трыбуны», дайшло да таго, што тыя футбалісты, якія атрымлівалі восем тысяч рублёў, будуць гуляць за паўтары-дзве тысячы.
Зроблена гэта і ў якасці пакарання, і ў мэтах эканоміі. Ці часовая гэтая мера, высветліць не ўдалося.
Зараз у чэмпіянаце краіны БАТЭ ідзе на 5-месцы, адстаючы на 12 ачкоў ад першага месца і на 9 ад трэцяга.
Чытайце таксама:
Сярэдзіна табліцы і даўгі. Як жыве некалі зорны БАТЭ
Вызначыўся супернік БАТЭ ў першым раўндзе кваліфікацыі Лігі чэмпіёнаў
Крышціяну Раналду стаў першым у гісторыі футбалістам, які згуляў 200 матчаў за зборную