Украінская артылерыя нанесла ўдар па Чангарскім мосце, які злучае Крым з мацерыком
Акупацыйная адміністрацыя заявіла пра пашкоджанне ракетамі Storm Shadow i некалькіх іншых мастоў на перашыйку Крыма і мацерыка.
22.06.2023 / 08:41
Фота: SALDO_VGA / Telegram
Украінскія войскі абстралялі масты на мяжы паміж Херсонскай вобласцю і Крымам у раёне Чангара, пра гэта заявіў прызначаны Расіяй «кіраўнік» Херсонскай вобласці Уладзімір Сальда.
Прыцэльнасць удару можна бачыць па фота, апублікаваных у яго канале.
Пацярпеў і стары мост, суседні з новым мостам цераз Чангарскі праліў.
Пацярпелых няма.
У выніку знішчэння Чангарскага моста ўскладніцца перакідванне вайсковай тэхнікі з паўвострава да Мелітопаля, найбольшага горада акупаванай часткі Запарожскай вобласці.
Чытайце таксама:
«Некаторыя лічаць, што гэта галівудскі фільм». Зяленскі растлумачыў, чаму цяжка ідзе контрнаступ