«У расіян яшчэ будзе вельмі шмат працы ў нервовай, істэрычнай абстаноўцы». Кірыла Буданаў пракаментаваў чуткі пра сваё раненне
Кіраўнік Галоўнага ўпраўлення разведкі Міністэрства абароны Украіны Кірыла Буданаў пракаментаваў у размове з выданнем Kyiv Post паведамленні расійскіх медыя пра сваё цяжкае раненне.
Паводле Буданава, «цяпер ва Украіне ствараецца спецыяльны атрад несмяротных палкаводцаў і камандуючых».
«У гэты атрад уваходзяць Валерый Залужны, я, Сцяпан Бандэра, Сымон Пятлюра, Іван Мазепа. Таму ў расіян яшчэ будзе вельмі шмат працы ў нервовай, істэрычнай абстаноўцы. Атрад несмяротных будзе ўначы прыходзіць у сны да расійскіх абывацеляў, якія хацелі захапіць Украіну, і іх кашмарыць», — сказаў Буданаў.
Расійскія прапагандысты паведамілі пра чарговы нібыта фенаменальны поспех сваіх вайскоўцаў і спецслужбаў 15 чэрвеня. Паводле іх, Кірыла Буданаў быў цяжка паранены расійскай ракетай яшчэ 29 мая.
17 чэрвеня прэзідэнт Украіны Уладзімір Зяленскі заявіў, што Буданаў удзельнічаў у пасяджэнні ваеннага кабінета, якое адбылося напярэдадні.
Раней расійская прапаганда (а за ёй і беларуская) цягам мая запускала інфармацыю пра тое, што спачатку нібыта загінуў, а пасля быў цяжка паранены галоўнакамандуючы УСУ Валерый Залужны. Ён сапраўды не з'яўляўся на публіцы некалькі тыдняў, але 25 і 26 мая з'явіўся і на фота, і на відэа.
«Калі шалёны дыктатар аддасць загад — кідайце зброю. Інакш адзінае, што вас чакае, — гэта смерць». На ўкраінска-беларускай мяжы прагучаў зварот палка Каліноўскага да беларускіх вайскоўцаў
Украінскае Мінабароны гаворыць пра цяжкую сітуацыю на ўсходзе
«Ніводны Patriot ва Украіне не знішчаны». Зяленскі абвяргае Пуціна
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё26
Каментары