Мбапэ пераходзіць у «Рэал» за фантастычныя 250 мільёнаў еўра
«Рэал» і «ПСЖ» узгаднілі трансфер форварда зборнай Францыі. Кіліян Мбапэ пяройдзе ў мадрыдскі клуб у найбліжэйшы час.
23.06.2023 / 07:46
Кіліян Мбапэ. Фота: Christian Liewig — Corbis/Getty Image
Мадрыдскі клуб дасягнуў дамоўленасці з «ПСЖ» аб трансферы 24-гадовага форварда, як піша Sports.ru са спасылкай на PSG Community.
Уладальнік «ПСЖ» Тамім бін Хамад Аль Тані пасля перамоваў з прэзідэнтам «Рэала» Фларэнтына Перэсам пагадзіўся прадаць гульца.
Агульная сума трансферу складзе 250 мільёнаў еўра. 200 мільёнаў будуць выплачаныя адразу, яшчэ 50 — у выглядзе бонусаў за праведзеныя гульцом матчы і заваёву ім «Залатога мяча».
У мінулым сезоне чэмпіянату Францыі Кіліян правёў 34 матчы, адзначыўшыся 29 галамі і 5 асістамі. Усяго за «ПСЖ» ён згуляў 149 матчаў і забіў 135 галоў. А пачынаў кар'еру ў «Манака».
Чытайце таксама:
Крышціяну Раналду стаў першым у гісторыі футбалістам, які згуляў 200 матчаў за зборную