BATE vydaŭ najhoršy start u historyi
U niadzielu ŭ 13-m tury čempijanatu Biełarusi BATE sastupiŭ «Naftanu» (1:2). Dla barysaŭčan paražeńnie stała druhim zapar i čaćviortym u siezonie.
26.06.2023 / 09:42
Fota: fcbate.by
Apošni raz BATE pieramahaŭ u matčy 7-ha tura suprać «Biełšyny» (3:0), sustreča prajšła 6 maja. Zatym było dźvie ničyi i čatyry parazy, uličvajučy parazu ŭ finale Kubka.
Paśla 12 matčaŭ kamanda zajmaje šostaje miesca. U aktyvie 16 ačkoŭ. Heta najhoršy start BATE ŭ historyi, jak zaŭvažyła «Trybuna».
Dahetul najhoršy byŭ u 2000 hodzie: 17 ačkoŭ paśla 12 matčaŭ. Tady kamanda na hetym adrezku zajmała dziasiataje miesca. Pa vynikach siezona barysaŭčanie zaniali druhoje miesca.
Sioleta kamanda adstaje ad lidara — hrodzienskaha «Niomana» — na 13 bałaŭ, ad žodzinskaha «Tarpieda», što idzie trecim, na 10 bałaŭ.
Čytajcie taksama:
U BATE značna źnizili zarobki — «Trybuna»
Siaredzina tablicy i daŭhi. Jak žyvie niekali zorny BATE
Vyznačyŭsia supiernik BATE ŭ pieršym raŭndzie kvalifikacyi Lihi čempijonaŭ