Karcinu Klimta pradali za rekordnyja dla Jeŭropy hrošy
U aŭtorak u Łondanie na aŭkcyjonie Sotheby's była pradadzienaja karcina Hustava Klimta za 74 młn funtaŭ sterlinhaŭ (kala 86 młn jeŭra). Apošni raz hety partret kupili ŭ 1994 hodzie za 11,6 młn dalaraŭ na aŭkcyjonie ŭ Ńju-Jorku. Heta byŭ samy haračy łot, jak piša Deutsche Welle.
28.06.2023 / 11:18
Hustaŭ Klimt. «Dama ź viejeram». Fota: Wikimedia Commons
Partret «Damy ź viejeram» Klimta ličycca adnym z samych kaštoŭnych tvoraŭ mastactva siarod kali-niebudź vystaŭlenych na aŭkcyjonie ŭ Jeŭropie.
Paśla raptoŭnaj śmierci aŭstryjskaha mastaka ŭ lutym 1918 hoda padčas pandemii hrypu, u jaho majsterni ŭ Vienie zastałosia dźvie karciny. Adna ź ich — «Dama ź viejeram». Hety partret — apošniaja zavieršanaja praca Klimta, jakaja stała ciapier kaštoŭnym pradmietam kalekcyjanavańnia.
Kali karcinu znajšli, jana ŭsio jašče stajała na malbiercie. Na joj namalavany partret nieviadomaj žančyny. Jość zdahadki, što jana była vienskaj tancoŭščycaj.
Na dumku śpiecyjalistaŭ, mastak namalavaŭ hety partret nie «na zamovu», što było vielmi niezvyčajna dla Klimta, nadzvyčaj zapatrabavanaha jak partretysta. U hetaj karcinie vykarystany kitajskija matyvy: Fieniks jak simvał pośpiechu, nieŭmiručaści i adradžeńnia i kvietki łotasa, jakija ŭvasablajuć čyściniu i kachańnie.
Čytajcie taksama:
Dvajnik Kupały ŭ Vienie — historyja adnoj karciny
Čatyry karciny Marka Šahała pradali na aŭkcyjonie ŭ Ciurychu
Šahał, Sucin, Bakst… Što zrabić, kab śviet pačaŭ ich ličyć vychadcami ź Biełarusi?