Rasijski śviatar, pazbaŭleny RPC sanu praz malitvy za mir, pierajšoŭ u Kanstancinopalski patryjarchat
Kanstancinopalski patryjarchat adnaviŭ u sanie maskoŭskaha śviatara Iaana Kovala, jaki maliŭsia za nastupleńnie miru zamiest taho, kab malicca, jak pradpisvałasia źvierchu, za pieramohu Rasii. Śviatar, takim čynam, pryniaty pad amafor Kanstancinopalskaha patryjarcha Varfałamieja.
28.06.2023 / 23:20
Ajciec Iaan Koval
Rašeńnie ab pazbaŭleńni sanu Iaana Kovala było pryniata carkoŭnym sudom Ruskaj pravasłaŭnaj carkvy ŭ mai hetaha hoda. Pierad hetym, u lutym, patryjarch Kirył asabista zabaraniŭ Kovalu słužyć.
Padstavaj dla zabarony pasłužyła toje, što ŭ «malitvie ab śviatoj Rusi», u prymusovym paradku raspaŭsiudžanaj pa jeparchijach RPC, Koval zamiest słoŭ «vozstani, Božie, v pomoŝ ludiem Tvoim i podažd́ nam siłoju Tvojeiu pobiedu» pramaŭlaŭ «vozstani, Božie, v pomoŝ ludiem Tvoim i podažd́ nam siłoju Tvojeiu mir».
Ciapier rašeńnie, pryniataje Ruskaj pravasłaŭnaj carkvoj, abvieščana niekananičnym (niezakonnym) i pryniatym zychodziačy nie z carkoŭnych, a z palityčnych mierkavańniaŭ, paviedamlaje «Radyjo Svaboda».
Čytajcie taksama:
Biełaruski pravasłaŭny prychod Suśvietnaha patryjarchatu ŭ Vilni prosić dapamohi