FSB daručyli zabić Pryhožyna — Budanaŭ
Kiraŭnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ miarkuje, što paśla sproby buntu PVK «Vahnier» rasijskaja FSB atrymała zadańnie likvidavać Jaŭhiena Pryhožyna.
30.06.2023 / 12:14
Jaŭhien Pryhožyn. Fota: AP
«My nie možam kazać pra ich surjozny ŭpłyŭ [na vajnu Rasii suprać Ukrainy — HUR], bo ŭsie hetyja padziei doŭžylisia vielmi karotki pieryjad času. Zrešty, była naniesienaja peŭnaja škoda Pavietrana-kaśmičnym siłam RF. Pa-druhoje, my nie čakajem źjaŭleńnia PVK «Vahnier» va Ukrainie jak asobnaha subjekta, jaki vykonvaje ŭłasnyja apieracyi. Dla nas hety faktar vielmi važny.
…My viedajem, što zadaču zabić Pryhožyna daručyli FSB. Ci buduć jany paśpiachovyja ŭ hetym? Čas pakaža. Tak ci inakš, usie patencyjnyja zamachi na zabojstva nie buduć chutkimi. Im spatrebicca niekatory čas, kab raspracavać adpaviednyja padychody i dasiahnuć stadyi, kali jany buduć hatovyja da bujnamaštabnaj apieracyi. Ale ja chacieŭ by padkreślić, što heta vialikaje adkrytaje pytańnie. Ci atrymajecca im heta ažyćciavić? Ci advažacca jany vykanać hety zahad?» — skazaŭ Kiryła Budanaŭ u intervju The War zone.
Jon dadaŭ, što lubyja dziejańni, skiravanyja na destabilizacyju ŭnutry Rasii, karysnyja dla Ukrainy.
Čytajcie taksama:
Eks-kiraŭnik CRU paraiŭ Pryhožynu nie padychodzić da niezaviešanych voknaŭ u Biełarusi
«Jaŭhien Pryhožyn — patryjot Rasii» — Kiryła Budanaŭ
Dziarždep ZŠA: Prysutnaść PVK «Vahnier» nie pasadziejničaje stabilnaści ŭ Biełarusi