Пачалася рэгістрацыя на ЦТ у дадатковыя дні
Рэгістрацыя на цэнтралізаванае тэставанне ў рэзервовыя дні праходзіць з 1 па 6 ліпеня. У 2023 годзе такімі днямі абралі 11 і 13 ліпеня для выпрабаванняў па беларускай і рускай мовах, 11 і 15 ліпеня — для іншых прадметаў.
01.07.2023 / 16:00
Фота ілюстрацыйнае
Здаць тэсты ў гэтыя дні могуць абітурыенты, якія не змаглі зрабіць гэтага ў звычайныя дні ЦТ па ўважлівых прычынах. Уважлівай прычынай лічыцца хвароба або якія-небудзь не залежныя ад чалавека абставіны. Прычыну няяўкі трэба будзе пацвердзіць дакументам.
Зарэгістравацца для здачы ЦТ можна ў БДУ, Беларуска-расійскім універсітэце, Брэсцкім дзяржаўным тэхнічным універсітэце, Віцебскім дзяржаўным тэхналагічным універсітэце, Гомельскім дзяржаўным тэхнічным універсітэце імя Сухога, Гродзенскім дзяржаўным універсітэце імя Янкі Купалы.
Пункты рэгістрацыі працуюць 1 ліпеня да 18:00. У будныя дні — з 9:00 да 19:00.
Абітурыенту трэба прыходзіць з дакументам, які сведчыць асобу. Таксама пры сабе павінна быць пацвярджэнне прычыны, па якой чалавека не было на экзамене ў асноўны дзень ЦТ.
Чытайце таксама:
З'явіліся вынікі ЦТ па грамадазнаўстве