20 чэрвеня беларускія абітурыенты здавалі цэнтралізаванае тэсціраванне па матэматыцы. Паводле інфармацыі Міністэрства адукацыі, зарэгістравалі на тэст 10 676 чалавек, але прыйшлі на яго далёка не ўсе.
«Да пунктаў здачы ЦТ па матэматыцы сёння не дайшлі 750 раней зарэгістраваных абітурыентаў. Пры гэтым з самога выпрабавання было выдалена пяць чалавек: трое — за мабільныя тэлефоны, двое — за шпаргалкі. Аднаму абітурыенту стала блага падчас ЦТ, працягнуць выпрабаванне ён не змог», — цытуе БелТА дырэктара Рэспубліканскага інстытута кантролю ведаў Юрыя Міксюка.
У чацвер, 22 чэрвеня, абітурыенты будуць здаваць ЦТ па біялогіі, 24 чэрвеня — замежнай мове (англійскай, нямецкай, французскай, іспанскай, кітайскай), 26 чэрвеня — хіміі, 28 чэрвеня — фізіцы, 30 чэрвеня — гісторыі Беларусі, 2 ліпеня — геаграфіі. Завершыцца ЦТ 4 ліпеня экзаменам па сусветнай гісторыі (найноўшы час).
Тыя, хто не змог прайсці цэнтралізаванае тэсціраванне ў асноўныя дні па ўважлівых прычынах, будуць мець магчымасць зрабіць гэта ў рэзервовыя дні. 11 і 13 ліпеня можна будзе здаць беларускую і рускую мову, 11 і 15 ліпеня — усе астатнія прадметы.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары