Stała viadomaja pryčyna raptoŭnaj śmierci 46-hadovaha ministra transpartu
Ministr transpartu i kamunikacyj Alaksiej Aŭramienka raptoŭna pamior 4 lipienia. Pra jaho zaŭčasnuju śmierć paviedamiła dziaržaŭnaje ahienctva, ale padrabiaznaściaŭ nie pryviało. «Našaj Nivie» stali viadomy niekatoryja akaličnaści.
06.07.2023 / 15:27
Raźvitańnie ź ministram. Fota: BiełTA
Jak stała viadoma «Našaj Nivie» ź dźviuch krynic, ministr transpartu i kamunikacyj Alaksiej Aŭramienka skončyŭ žyćcio samahubstvam. Adbyłosia heta ŭ haražy lecišča, jaho znajšli svajaki.
46-hadovy Alaksiej Aŭramienka rabiŭ ministram z 2019 hoda, a dahetul pracavaŭ na roznych pasadach va ŭpraŭleńni transpartu i suviazi Aparatu Savieta Ministraŭ Biełarusi.
Siońnia adbyłasia cyrymonija raźvitańnia z Aŭramienkam. Na joj prysutničali mnohija vysokapastaŭlenyja čynoŭniki. Alaksandr Łukašenka abmiežavaŭsia viankom.
Heta ŭžo druhi za apošni čas vypadak suicydu siarod łukašenkaŭskich ministraŭ. Letaś u svaim domie ŭ Drazdach, pa infarmacyi «Našaj Nivy», źvioŭ rachunki z žyćciom Uładzimir Makiej.
Čytajcie taksama:
U Minsku raźvitalisia z raptoŭna pamierłym ministram transpartu. Łukašenka pieradaŭ vianok