За тыдзень з Беларусі паехала 5 эшалонаў з расійскімі «мобікамі» — Супольнасць чыгуначнікаў
Цягам гэтага тыдня была заўважаная перадыслакацыя мабілізаваных расійскіх вайскоўцаў, якія праходзілі падрыхтоўку на палігонах Беларусі, паведамляе «Супольнасць беларускіх чыгуначнікаў».
07.07.2023 / 22:29
Фота ілюстрацыйнае
Вайсковыя эшалоны адпраўляліся з Беларусі ў Варонежскую вобласць.
Так, напрыклад, 5 ліпеня са станцыі Палонка пад Баранавічамі на станцыю Маслаўка ў Ліскінскім раёне Варонежскай вобласці быў адпраўлены вайсковы эшалон №961, у складзе якога знаходзілася 43 вагоны (5 пасажырскіх на прыблізна 250 чалавек), 4 крытыя (з рыштункам), 34 вагона-платформы (з пагружанай вайсковай тэхнікай). Прыбыць на месца гэты цягнік меў 7 ліпеня.
Акрамя гэтага эшалона, на гэтым тыдні ў той жа рэгіён накіраваліся яшчэ чатыры: 3 ліпеня з той жа Палонкі і са станцыі Лясная пад Баранавічамі, а 4 ліпеня — з Асіповіч і Івацэвіч.
Чытайце таксама:
Мінабароны расказала, для каго ствараецца лагер пад Асіповічамі