Мінабароны расказала, для каго ствараецца лагер пад Асіповічамі
Памочнік міністра абароны Беларусі генерал-маёр Леанід Касінскі расказаў, што вагнераўцы пакуль не прыбывалі для агляду магчымага месца размяшчэння байцоў кампаніі ў намётавым лагеры ў раёне Асіповічаў.
«Не, аператыўныя групы пакуль не прыязджалі, не вызначаліся, не глядзелі. Я думаю, што калі будзе прынята канчатковае рашэнне групай «Вагнер» размяшчацца ці не размяшчацца ў Беларусі, тады і будуць глядзець», — сказаў генерал-маёр, каментуючы паведамленні аб нібыта размяшчэнні байцоў ПВК у лагеры, піша ТАСС.
Касінскі растлумачыў, што «гэта летні лагер, які пабудаваны ва ўзаемадзеянні з органамі мясцовай улады».
«Гэты лагер уладкоўваўся для трэніроўкі як вайскоўцаў, так і прадстаўнікоў цывільнай адміністрацыі ў рамках разгортвання сістэмы тэрытарыяльнай абароны», — дадаў ён.
Таксама Касінскі паведаміў, што лагер здольны змясціць каля пяці тысяч чалавек, і адзначыў, што «тэарэтычна [вайсковую] тэхніку можна размясціць дзе заўгодна».
«Усё залежыць ад колькасці гэтай тэхнікі. Гэта былы вайсковы гарадок. Інфраструктура захавалася, і боксы [для захоўвання тэхнікі] былі, тут артылерыйская брыгада калісьці размяшчалася», — сказаў памочнік міністра абароны.
Пасля мяцяжу вагнераўцаў, які пачаўся ўвечары 23 чэрвеня, а ўвечары наступнага дня Прыгожын сам вырашыў яго спыніць, Пуцін прапаванаў яму і наймітам пераехаць у Беларусь. Перамовы з Прыгожыным аб «перамір'і» вёў тады ў тым ліку Лукашэнка.
У канцы чэрвеня пад Асіповічамі пачалі аднаўляць закінуты вайсковы гарадок і ставіць там палаткі. Меркавалася, што туды могуць пераехаць вагнераўцы.
Цяпер чытаюць
62-гадовую намесніцу дырэктара мінскай гімназіі адправілі ў калонію за палітыку3
62-гадовую намесніцу дырэктара мінскай гімназіі адправілі ў калонію за палітыку
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары