Pieramoŭnik pa Biełarusi arcybiskup Hudžeroci staŭ kardynałam
U niadzielu 9 lipienia Papa Francišak abviaściŭ pra pryznačeńnie 21 novaha kardynała. Siarod ich — prefiekt dykasteryi pa spravach Uschodnich Kaściołaŭ arcybiskup Kłaŭdya Hudžeroci, jaki na praciahu čatyroch hadoŭ byŭ Apostalskim nuncyjem u Biełarusi, a padčas sioletniaha Budsłaŭskaha festu pradstaŭlaŭ u našaj krainie Papu Franciška ŭ jakaści jaho śpiecyjalnaha pasłańnika.
09.07.2023 / 16:13
Fota: Catholic.by
Jak piša Catholic.by, akramia taho, kardynałam stanie jašče adzin były nuncyj u Biełarusi — arcybiskup Ahaścina Marketa, adzin ź pieršych pastajannych pradstaŭnikoŭ Papy ŭ našaj krainie.
Kansistoryj pa pryznačeńni novych kardynałaŭ adbudziecca 30 vieraśnia.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
Padčas sioletniaha festu ŭ Budsłavie Hudžeroci źviarnuŭsia da viernikaŭ:
«Pakolki ja ŭžo niemałady, ja budu čakać vas razam z Maci Božaj i pryvitaju vas pa-biełarusku ŭ Rai razam z Maci Božaj».
A taksama raskazaŭ, što sumavaŭ pa dranikach.
«Idučy, vy adčuvali pach vašaj ziamli. Nie prymicie heta za žart, ale kali ja dumaju pra hetuju ziamlu, ja dumaju pra vašu bulbu. Vy viedajecie, što vaša bulba stała vielmi viadomaj navat za miažoj…» — padzialiŭsia ŭspaminami z haściami festu Kłaŭdya Hudžeroci.
Čytajcie taksama:
Arcybiskup Hudžeroci pryznaŭsia ŭ Budsłavie, što za miažoj vielmi sumavaŭ pa biełaruskich dranikach
Papa Francišak nazvaŭ hetu biełaruskuju žančynu śviatoj. Raskazvajem, chto heta