БЕЛ Ł РУС

Грамадства

Ціханоўская возьме ўдзел у афіцыйнай праграме саміту НАТА

10.07.2023 / 22:39

Nashaniva.com

Лідарка беларускіх дэмакратычных сіл Святлана Ціханоўская возьме ўдзел у афіцыйнай праграме саміту НАТА, які пройдзе ў Вільні 11-12 ліпеня, паведамляе «Белсат».

Святлана Ціханоўская з дэлегацыяй амерыканскіх сенатараў. Фота: Офіс Святланы Ціханоўскай

Паводле інфармацыі «Белсата», Ціханоўская возьме ўдзел у супольным сняданку з жанчынамі — міністрамі абароны і замежных спраў краін НАТА. Сустрэча на высокім узроўні стане часткай афіцыйнай праграмы саміту і пройдзе раніцай у сераду, 12 ліпеня.

Раней паведамлялася, што Ціханоўская выступіць на адным з круглых сталоў грамадскага форуму НАТА і на мерапрыемствах, арганізаваных Атлантычнай радай.

Таксама па яе ініцыятыве ў рамках саміту пройдзе два сайд-івэнты (паралельныя мерапрыемствы) па Беларусі, на якіх будуць абмяркоўвацца роля нашай краіны ў трансатлантычнай бяспецы і размяшчэнне на яе тэрыторыі расійскай ядзернай зброі. У мерапрыемствах возьмуць удзел міністры, прадстаўнікі ўрадаў і дыпмісій краін — членаў НАТА, а таксама эксперты.

Сёння Ціханоўская таксама сустрэлася з дэлегацыяй амерыканскіх сенатараў, якія прыехалі на саміт.

Чытайце таксама:

Зяленскі пацвердзіў, што прыедзе ў Вільню на саміт НАТА

Джо Байдэн прыбыў у Вільню на саміт НАТА

У Вільні напярэдадні саміту NATO адбылася кібератака. Прапагандысцкія паведамленні гучалі па радыё і ў гандлёвым цэнтры

Чытайце таксама:

Каментары да артыкула