Ціханоўская сустрэлася з Байдэнам — «Радыё Свабода»
Карэспандэнту «Радыё Свабода» стала неафіцыйна вядома, што Святлана Ціханоўская пасля прамовы прэзідэнта ЗША мела сустрэчу з амерыканскім лідарам. Падрабязнасці абяцаюць даць неўзабаве.
12.07.2023 / 21:58
Святлана Ціханоўская падчас выступлення Джо Байдэна. Фота Офіса Ціханоўскай
Пакуль «Радыё Свабода» паведамляе, што пасля прамовы Джо Байдэна ў Вільні каманда прэзідэнта ЗША правяла Святлану Ціханоўскую ў памяшканне, дзе знаходзіўся Байдэн. Ціханоўская была адзінай асобай, якая ўвайшла ў гэтае памяшканне.
Святлана Ціханоўская з прэзідэнтам Літвы Гітанасам Наўседам. Фота Офіса Святланы Ціханоўскай
Падчас прамовы Байдэна ў Вільні Ціханоўская знаходзілася на трыбуне разам з прэзідэнтам Літвы, экс-прэзідэнтамі краіны, членамі літоўскага ўрада.
Святлана Ціханоўская з былымі лідарамі Літвы Вітаўтасам Ландсбергісам і Валдасам Адамкусам. Фота Офіса Ціханоўскай
Чытайце таксама:
Джо Байдэн у сваім выступленні ў Вільні згадаў пра Беларусь
Зяленскі ў Вільні спыняўся ў гатэлі «Нарач»
Ціханоўская ўзяла ўдзел у сустрэчы жанчын-лідарак у рамках саміту НАТА