Cichanoŭskaja sustrełasia z kiraŭnictvam Biełastoččyny i adkryła skvier
Biełaruskaja demakratyčnaja lidarka siońnia praviała sustrečy z padlašskim vajavodam Bahdanam Paškoŭskim i ź miascovym maršałkam (kiraŭnikom vajavodskaj rady) Arturam Kasickim, a taksama paŭdzielničała va ŭračystym adkryćci skviera Volnaj Biełarusi.
14.07.2023 / 17:54
Śviatłana Cichanoŭskaja z padlašskim vajavodam Bahdanam Paškoŭskim. Fota: pres-słužba Śviatłany Cichanoŭskaj
Padčas sustrečy z kiraŭnictvam Padlašskaha vajavodstva abmiarkoŭvalisia prablemy miascovych biełarusaŭ, u tym liku balučaje pytańnie škoł ź biełaruskaj movaj navučańnia i moŭnaha režymu ŭ ich. Padymałasia pytańnie zachavańnia abaviazkovaha vyvučeńnia biełaruskaj movy vučniami licejaŭ u Bielsku Padlašskim i Hajnaŭcy i najaŭnaści abaviazkovaha vypusknoha ispytu pa biełaruskaj movie. Taksama abmierkavali pierśpiektyvy adkryćcia ŭ rehijonie centra biełaruskaj kultury.
Polskija čynoŭniki paabiacali padniać hetyja pytańni na bolš vysokim uzroŭni. Cichanoŭskaja ž padziakavała im za dapamohu i padtrymku biełarusaŭ, jakija vymušanyja byli pakinuć Biełaruś i ciapier žyvuć na Biełastoččynie, u tym liku za padtrymku fiestyvalu «Tutaka».
Padčas adkryćcia skviera Volnaj Biełarusi. Fota Jarasłava Ivaniuka
Paśla taho Śviatłana Cichanoŭskaja ŭ supravadžeńni členaŭ Abjadnanaha pierachodnaha kabinieta Paŭła Łatuški, Aliny Koŭšyk i aficyjnych pradstaŭnikoŭ Biełastoka ŭziała ŭdzieł u cyrymonii adkryćcia skviera Volnaj Biełarusi ŭ Biełastoku.
Nadać skvieru takoje imia prapanoŭvaŭ letaś Pavieł Łatuška. Inicyjatyvu padtrymaŭ prezident Biełastoka Tadevuš Truskalaski.
U svaim vystupleńni Cichanoŭskaja padkreśliła, što prysvajeńnie nazvy «skvier Volnaj Biełarusi» — heta žest salidarnaści ź biełaruskim narodam u baraćbie za svabodu, što vielmi važna ŭ ciapierašniaj situacyi.
Dalej biełaruskaja lidarka maje namier naviedać biełaruski fiestyval Tutaka, jaki adkryvajecca siońnia.
Čytajcie taksama:
Śviatłana Cichanoŭskaja raskazała pra sustreču z prezidentam ZŠA Džo Bajdenam
Na Padlaššy ŭ piatnicu pačynajecca treci Fiestyval abudžanych Tutaka
U skviery Volnaj Biełarusi ŭ Biełastoku źjaviłasia šylda FOTA