Stała viadoma, kali mohuć adkryć stancyju mietro «Aeradromnaja»
Kiraŭnik Minharvykanama Uładzimir Kucharaŭ prainśpiektavaŭ budaŭnictva treciaj linii mietrapalitena. Budaŭničaja hatoŭnaść stancyi «Aeradromnaja» składaje 87%.
19.07.2023 / 13:50
Skrynšot videa Minharvykankama
Dla zaviaršeńnia rabot nieabchodna vykanać azdableńnie viestybiulaŭ, płatformaŭ i ŭvachodnych zon, a taksama ŭstalavać abstalavańnie i pravieści puskanaładačnyja raboty. Kucharaŭ daručyŭ usio padrychtavać da studzienia 2024 hoda, jak paviedamlaje telehram-kanał Minharvykankama.
Akramia taho, puskavy kompleks uklučaje ŭ siabie stancyju «Niemaršanski sad», hatoŭnaść jakoj składaje 74%. U najbližejšy čas płanujecca zaviaršyć azdableńnie i pastavić abstalavańnie na stancyjnym kompleksie.
A voś stancyja «Słucki haściniec» pakul hatovaja na 52%.
Elektradepo «Słuckaje» składajecca ź siami budynkaŭ, budaŭnictva jakich zavieršana. Ciapier viaducca raboty pa ŭnutranym azdableńni.
Čytajcie taksama: