U Biełaruś prybyli jašče dźvie kałony vahnieraŭcaŭ — «Biełaruski Hajun»
Manitorynhavaja hrupa «Biełaruski Hajun» adsačyła prybyćcio jašče dźviuch kałon z najmitami PVK «Vahnier», jakija prybyli na terytoryju Biełarusi ciaham siońniašniaha dnia. Usiaho ich pryjechała ŭžo vosiem.
19.07.2023 / 19:16
Tak, u rajonie 2-j hadziny nočy 19 lipienia pa trasie R-43 z boku Rahačova ŭ napramku Babrujska ruchałasia siomaja kałona PVK «Vahnier». Jana naličvała jak minimum 50 adzinak techniki najmitaŭ Pryhožyna, siarod jakoj byli zaŭvažanyja pikapy, minimum dva aŭtobusy PAZ, tentavanyja KamAZy i «Urały», nie mienš za vosiem «buchanak» i fury. Kałona ruchałasia ŭ supravadžeńni DAI, častka techniki była paznačanaja arkušami z paradkavymi numarami.
Taksama siońnia ranicaj miažu RF — RB pierasiekła vośmaja kałona PVK «Vahnier». Jana prajšła, jak i ŭsie papiarednija, pa R-43 i dalej pa M-5. U rajonie 15:30 hetaja kałona ŭžo ruchałasia pa trasie M-5 ad Babrujska ŭ napramku Asipovičaŭ. Hetaja kałona naličvaje niedzie 100—150 aŭtamabilaŭ, u tym liku pikapy, «buchanki», tentavanyja «Urały» i KamAZy, dva mikraaŭtobusy, aŭtobusy PAZ, hruzavyja HAZy i inžyniernaja / budaŭničaja technika. Bolšaść mašyn jechała na numarach tak zvanaj «ŁNR».
Čytajcie taksama:
Pryhožyn u svajoj pieršaj pramovie ŭ Biełarusi zaklikaŭ «nie kryŭdzić biełaruskich dziaŭčat»
U Biełaruś prybyli ŭžo jak minimum 2000 najmitaŭ PVK «Vahnier» — «Biełaruski Hajun»
«Spakojnamu žyćciu pryjšoŭ kaniec». Žychary vioski Cel raskazali pra susiedstva z vahnieraŭcami