Na terytoryi vahnieraŭskaha łahiera pad Asipovičami paŭtysiačy adzinak techniki
«Radyjo Svaboda» zrabiła analiz śviežaha spadarožnikavaha zdymka ad servisu Planet Labs, zroblenaha 19 lipienia ŭ 6:29 ranicy, i padličyła prykładnuju kolkaść techniki, jakaja znachodzicca na terytoryi vajskovaj čaści ŭ vioscy Cel Asipovickaha rajona. Tam raźmiaščajucca rasijskija najmity z PVK «Vahnier», jakija apošnimi dniami masava prybyvajuć u Biełaruś.
Nakolki dazvalaje razhledzieć jakaść spadarožnikavaha zdymka, možna skazać, što transpartnych srodkaŭ kala namiotavaha łahiera ahułam nie mienš za 485.
Siarod ich
- kala 55 tentavanych fur, niekatoryja z pryčepami;
- kala 320 mašyn, pa habarytach padobnych da pikapaŭ UAZ, hruzavikoŭ-furhonaŭ, mikraaŭtobusaŭ UAZ (tak zvanych «buchanak»), mikraaŭtobusaŭ typu «Hazel», UAZ «Patryjot», lehkavych aŭtamašyn;
- kala 45 aŭtobusaŭ roznych madyfikacyj;
- kala 65 hruzavych mašyn roznaj madyfikacyi, u tym liku nie mienš za vosiem płatformaŭ z technikaj na joj, u bolšaści — budaŭničaj.
Amal usia technika znachodzicca kala budynkaŭ, padobnych da składoŭ, a taksama stajanak vajskovaha haradka. Vidać, što niekatoryja z mašyn znachodziacca ŭ pazicyi, jakaja śviedčyć ab tym, što ich, mahčyma, razhružajuć. Častka mašyn staić kala samich namiotaŭ.
Siarod ahledžanych abjektaŭ nie bačna ciažkaj vajskovaj techniki.
Kamientary