Suaŭtar miemaryjała «Chatyń» raskazaŭ, čamu ŭploŭ u skulpturu ŭ honar Łukašenki hadziuku
Zasłužany dziejač mastactvaŭ Biełarusi, adzin sa stvaralnikaŭ miemaryjała «Chatyń» Valancin Zankovič u efiry telekanała STB pakazaŭ svaju skulpturu, jakuju stvaryŭ u honar Alaksandra Łukašenki.
24.07.2023 / 16:22
«Vyrašyŭ tak: jon byŭ staršynioj kałhasa, basanož chadziŭ pa baroznach, voś ja i adlustravaŭ», — raskazaŭ skulptar pra svaju mastackuju ideju.
Pakolki ŭ Łukašenki byli i jość vorahi, to jon vyrašyŭ upleści ŭ hetuju skulpturu hadziuku. A paśla jahonaja fantazija pradyktavała novyja siužety:
«Z čornaha bałota, u jakim jon pačynaŭ svajo žyćcio, usio ŭzvyšanaje i śvietłaje pavinna iści razam z rostam Biełarusi. I Alaksandr Ryhoravič — kaścium elehantny, halštučak, saročka, u rukach zichatlivaja Respublika Biełaruś i pramiani słavy».
Na pytańnie prapahandysta Ryhora Azaronka, čamu «hadziuki» atakujuć Łukašenku, skulptar adkazaŭ:
«Heta elemientarna, viadoma, zrazumieła, što jany viernyja prychilniki amierykancaŭ. A amierykancy nienavidziać takich ludziej, jak Łukašenka».
86-hadovy Valancin Zankovič za svajo doŭhaje žyćcio sam i ŭ suaŭtarstvie sa svaimi kalehami stvaryŭ šerah manumientalnych zbudavańniaŭ. Havorka viadziecca pra miemaryjały «Chatyń», «Bresckaja krepaść — hieroj», «Kaciuša», manumientalna-dekaratyŭnuju kampazicyju «Bieh» na stadyjonie «Dynama», biusty Janki Kupały i Jakuba Kołasa, pomnik «Minsk — horad-hieroj» i šerah inšych.
Čytajcie taksama:
«Prapahandujuć polski składnik našaj historyi». Łukašysty apałčylisia na park «Suła»