Łukašenka nie palacić na samit AAN — adpravić zamiest siabie ministra zamiežnych spraŭ
Biełaruskuju delehacyju na tydni vysokaha ŭzroŭniu siesii Hienieralnaj Asamblei AAN uznačalić ministr zamiežnych spraŭ Siarhiej Alejnik.
29.07.2023 / 22:38
Antoniu Huteryš i Alaksandr Łukašenka na samicie Šanchajskaj arhanizacyi supracoŭnictva ŭ Astanie ŭ 2017 hodzie. Fota: BiełTA
Pra heta na BT raskazaŭ pastajanny pradstaŭnik Biełarusi pry AAN Valancin Rybakoŭ.
Tydzień vysokaha ŭzroŭniu siesii Hienieralnaj Asamblei AAN pačniecca 19 vieraśnia. Za sutki da hetaha ŭ Ńju-Jorku budzie samit pa vykanańni met ustojlivaha raźvićcia.
U mai pres-słužba Łukašenki paviedamiła, što atrymała zaprašeńnie hienieralnaha sakratara AAN na samit pa metach ustojlivaha raźvićcia ŭ vieraśni 2023 hoda ŭ Ńju-Jorku. Prytym hienieralny sakratar AAN ź nieciarpieńniem čakaje asabista Łukašenku.
Łukašenka adrazu ž daŭ jamu adkaz:
«Pierakanany, što dośvied Biełarusi pa efiektyŭnaj arhanizacyi raboty na nacyjanalnym uzroŭni ŭ spravie dasiahnieńnia met ustojlivaha raźvićcia budzie cikavy i karysny dla mnohich inšych dziaržaŭ — siabroŭ AAN. My, biezumoŭna, hatovyja padzialicca im padčas praviadzieńnia samitu».
Daradca Cichanoŭskaj Franak Viačorka tady zajaviŭ, što Łukašenku ad AAN dasłali zvyčajnaje typavoje zaprašeńnie.
Čytajcie taksama:
Łatuška čynoŭnicy AAN: Vam mała palitviaźniaŭ i vymušanych mihrantaŭ?