Łatuška čynoŭnicy AAN: Vam mała palitviaźniaŭ i vymušanych mihrantaŭ?
Pradstaŭnik Abjadnanaha pierachodnaha kabinieta pa tranzicie ŭłady Pavieł Łatuška adreahavaŭ na skandalnyja zajavy rehijanalnaj dyrektarki pa Jeŭropie i Centralnaj Azii Upraŭleńnia AAN pa kaardynacyi dziejnaści ŭ metach raźvićcia Hvi Jop Son, zroblenyja padčas jaje vizitu ŭ Minsk.
«Dyrektar Hvi Jop Son. 5 tysiač palitviaźniaŭ u Biełarusi, paŭmiljona vymušanych mihrantaŭ ź Biełarusi. Ci ich mała?
Ja jak biełarus patrabuju admovicca ad vašaj zajavy», — napisaŭ Łatuška ŭ tvitary.
Director @gwi_son, ❗️5K #politicalprisoners in Belarus, & ❗️0.5 MLN forced migrants from #Belarus, AREN'T THEY ENOUGH❓
As Belarusian I demand to retract your statement that @UN intends to invite #Lukashenko, who usurped power in Belarus.
https://t.co/vay48uczpi pic.twitter.com/rzvIIXWyQe
Na sustrečy z namieśnikam staršyni Savieta Respubliki Valeryjem Bielskim Hvi Jop Son rabiła šmat kamplimientaŭ miascovym uładam i staviła Biełaruś u prykład inšym krainam, a taksama paviedamiła, što piersanalna Łukašenku sam hienieralny sakratar AAN admysłova zaprosić na samit pa Metach ustojlivaha raźvićcia, jaki maje adbycca ŭ vieraśni ŭ Ńju-Jorku.
Kamientary
jak zaŭždy nie pračnułasia šče?