Polšča nie vyklučaje zakryćcia ŭsich punktaŭ propusku na biełaruskaj miažy
3.08.2023 / 14:39
«Narastaje peŭnaha rodu pahroza. Ruch vahnieraŭcaŭ, paviedamleńni ab kancentracyi rasijskich vojskaŭ prymušajuć nas hłyboka zadumacca nad hetym», — zajaviŭ ministr Valdemar Buda.
Biełaruska-polskaja miaža. Fota: sacsietki
U Polščy nie vyklučajuć zakryćcia ŭsich punktaŭ propusku na polska-biełaruskaj miažy. Pra heta zajaviŭ ministr technałohii i raźvićcia Polščy Valdemar Buda, piša Reform.by.
«Narastaje peŭnaha rodu pahroza. Ruch vahnieraŭcaŭ, paviedamleńni ab kancentracyi rasijskich vojskaŭ prymušajuć nas hłyboka zadumacca nad hetym», — zajaviŭ Buda.
Jon padkreśliŭ, što biełaruskija viertaloty nie nieśli pahrozy Polščy, a situacyja znachodziłasia pad kantrolem.
«My nie možam spravakavać vajnu praz dva viertaloty», — zajaviŭ Buda. Pavodle słoŭ ministra, pra incydent nie paviedamlali, kab paźbiehnuć paniki ŭ nasielnictva.
Na biełaruska-polskaj miažy zastajucca adkrytymi punkty propusku «Brest» dla lehkavych mašyn i «Kazłovičy» dla hruzavych.
1 žniŭnia Minabarony Polščy zajaviła ab parušeńni pavietranaj prastory Polščy dvuma biełaruskimi viertalotami ŭ rajonie Biełaviežy. Minabarony Biełarusi admaŭlaje fakt parušeńnia miažy.
Siońnia premjer-ministr Polščy Matevuš Maraviecki i prezident Litvy Hitanas Naŭsieda sustrelisia ŭ Suvałskim kalidory. Jany čakajuć, što kolkaść pravakacyj z boku Rasii i Biełarusi budzie raści.
Čytajcie taksama:
Častka vahnieraŭcaŭ raźmiaściłasia niepadalok ad miažy ź Litvoj — Naŭsieda
«Praviarajuć reakcyju Polščy i sajuźnikaŭ». Maraviecki acaniŭ kolkaść vahnieraŭcaŭ u Biełarusi
U Biełaruś zajechała 14-ja kałona vahnieraŭcaŭ, u asnoŭnym fury z kantejnierami