Častka vahnieraŭcaŭ raźmiaściłasia niepadalok ad miažy ź Litvoj — Naŭsieda
Raźmiaščeńnie najmitaŭ PVK «Vahnier» u Biełarusi — heta važny faktar ryzyki dla biaśpieki. Častka ź ich znachodzicca pablizu miažy ź Litvoj u Hrodnie. Pra heta zajaviŭ prezident Litvy Hitanas Naŭsieda padčas sustrečy z premjer-ministram Polščy Matevušam Maravieckim u Suvałskim kalidory, jak paviedamlaje LRT.
Jak adznačyŭ Naŭsieda, kolkaść najmitaŭ u Biełarusi ŭžo pieravyšaje ci nabližajecca da čatyroch tysiač. Častka ź ich zaniała pazicyi ŭ Hrodzienskaj vobłaści, u suviazi z čym isnuje ryzyka pravakacyj na polskaj ci litoŭskaj miažy. Litva, sa svajho boku, užo pryniała miery dla ŭzmacnieńnia achovy miažy, a taksama padrychtavała i abnaviła płany prykryćcia miažy, uklučajučy padmacavańnie z boku vojska.
«U nas mohuć być roznyja pohlady na namiery bajevikoŭ u Biełarusi, ale całkam zrazumieła adno: i dla Pucina, i dla Łukašenki było b zanadta vialikaj spakusaj nie skarystacca prysutnaściu bajevikoŭ «Vahniera» ŭ ich niepasrednym susiedstvie dla mahčymych pravakacyj suprać krain NATO», — zajaviŭ Naŭsieda.
Padčas razmovy ź litoŭskimi miedyja, prezident Litvy adznačyŭ, što kolkaść najmitaŭ u Biełarusi, imavierna, vyraście da 10 tysiač. Taksama jon pieraściaroh ad hreblivaha staŭleńnia da bajcoŭ PVK, bo heta «surjoznaja siła, a nie niejkija niedaśviedčanyja chłopcy, jakija nie ŭmiejuć abychodzicca sa zbrojaj».
Naŭsieda adznačyŭ, što Litva pavinna mieć vyraznyja ałharytmy dziejańnia ŭ vypadku ŭskładnieńnia situacyi vakoł vahnieraŭcaŭ, uklučajučy zakryćcio miažy ź Biełaruśsiu.
Heta pavinna być uzhodniena z Polščaj i Łatvijaj. U pryvatnaści, pravakacyi z boku najmitaŭ buduć razhladacca jak dziejańni z boku Rasii.
«Praviarajuć reakcyju Polščy i sajuźnikaŭ». Maraviecki acaniŭ kolkaść vahnieraŭcaŭ u Biełarusi
U Biełaruś zajechała 14-ja kałona vahnieraŭcaŭ, u asnoŭnym fury z kantejnierami
Vahnieraviec, jaki ciapier u Asipovičach: Zarobak — 24 tysiačy rubloŭ. Łukašenka abiacaje nam biełaruskaje hramadzianstva
Pryhožyn zajaviŭ, što «Vahnier» spyniŭ nabor najmitaŭ
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary