Zatrymali načalnika adździeła kampanii. Jaho vinavaciać u napisańni ŭ bot «Niechta»
Ciapier mužčynie, pa śćvierdžańniach HUBAZiKa, pahražaje da piaci hadoŭ turmy.
03.08.2023 / 21:23
Ivan Panamaroŭ. Fota: «UKantakcie»
Zatrymanaha kličuć Ivan Panamaroŭ. Jamu 36 hadoŭ, jon minčuk.
Mužčyna vučyŭsia ŭ 6-j politechničnaj himnazii ŭ Minsku, a paśla pajšoŭ u mastacki kaledž. Pracavaŭ na roznych pracach, a ŭ 2019-m staŭ načalnikam adździeła zbytu arhanizacyi «Sanhryhrup», jakaja zajmajecca zabieśpiačeńniem na pramysłovych i sielskahaspadarčych vytvorčaściach.
U bazie «Kibierpartyzanaŭ» taksama jość adznaka pra toje, što jon pracavaŭ u strukturach MUS, ale samoha zapisu ŭ bazie pracaŭnikoŭ MUS niama — nieviadoma čamu. Jahony baćka — piensijanier milicyi.
Siłaviki śćviardžajuć, što paśla zatrymańnia zdoleli atrymać fota z pratestaŭ ź jahonaha telefona. Taksama byccam by jon nie vydalaŭ čata z botam «Niechta», u jaki dasłaŭ infarmacyju. Za heta HUBAZiK pahražaje Ivanu terminam da piaci hadoŭ turmy.
Čytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
U Hrodnie zatrymali mužčynu, jaki viarnuŭsia z-za miažy. Čym jon pryciahnuŭ uvahu?