Jakaja infarmacyja z Nexta i BHM mahła apynucca ŭ rukach łukašenkaŭcaŭ i što rabić biełarusam, jakija tudy pisali
Dniami siłaviki zajavili, što sabrali masiŭ danych pra tych, chto pisaŭ u bot Nexta. Jaki masiŭ danych moh patrapić da siłavikoŭ? Jakija nastupstvy heta moža prynieści biełarusam i što im rabić? «Naša Niva» pasprabavała adkazać na hetyja pytańni.
Što kaža były administratar Nexta?
Pra asablivaści pracy bota kanała Nexta nam raskazaŭ Jan Rudzik, były administratar prajekta: «ID telehram-akaŭntaŭ byŭ bačny tolki tady, kali čałaviek dasyłaŭ miedyjafajły, to-bok dakładna ź videa abo fota, ale, mahčyma, i z aŭdyja. U astatnich vypadkach bačny tolki niknejm (heta bačna i na skrynšotach, jakija apublikavali siłaviki. — NN). Tak pracavaŭ bot».
Rudzik miarkuje, što danyja siłaviki mahli atrymać z pryładaŭ Pratasieviča. Imavierna, toj nie čyściŭ pierapiski i moh niešta zachoŭvać u siabie na pryładach u vyhladzie archivaŭ. Adminam Nexta Pratasievič byŭ sa studzienia da kanca vieraśnia 2020 hoda. Takim čynam, miarkuje Rudzik, u rukach siłavikoŭ mohuć być niejkija danyja za hety čas.
Ciapierašnija adminy Nexta, jak vynikaje ź ich zajavy na kanale, taksama ličać, što ŭciečka adbyłasia praz dostup da techniki Pratasieviča.
Pratasievič byŭ taksama adminam kanała «Biełaruś hałaŭnoha mozhu» z kanca vieraśnia 2020-ha da aryštu.
«U BHM, mnie zdajecca, bot byŭ taki ž, jak u ČKB, — pakazvaŭ ID usich karystalnikaŭ, a nie tolki tych, chto vysyłaŭ aŭdyja i videa», — kaža Rudzik.
Jon ličyć, što Pratasievič moh być i ŭ inšych palityčnych čatach, kamunikavać z aktyvistami.
Što rabić, kali vy pisali ŭ bot Nexta ci BHM?
Što da mahčymaści identyfikacyi taho ci inšaha čałavieka, to tut tak: kali čałaviek nie pisaŭ u bot svaich asabistych danych, to heta adna situacyja, kali pieradavaŭ (naprykład, svaje imia i proźvišča, pratakoł zatrymańnia) — inšaja.
«Naša Niva» ŭ paradku ekśpierymientu pravieryła piać ID u telehramie, jakija vykłali siłaviki ŭ svaim paviedamleńni. Čatyroch ź piaci čałaviek atrymałasia raskryć.
Tamu varta ŭzvažvać ryzyki.
Pradstaŭniki inicyjatyvy pa ličbavaj biaśpiecy CyberBeaver rekamiendujuć tym, chto pisaŭ u boty Nexta i BHM, vydalić akaŭnt u telehramie, kab danyja akaŭnta pierastali z vami asacyjavacca. Pierad hetym pačyścić keš miedyja i bazaŭ danych telehrama.
Novy akaŭnt varta stvaryć na novy numar telefona ź inšym imiem.
Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd
U kožnym razie, na siońnia my nazirajem, jak łukašenkaŭcy karajuć zadniaj dataj za toje, što nie było zabaronienym na momant ździajśnieńnia.
«Naša Niva» — bastyjon biełaruščyny
PADTRYMAĆČytajcie jašče:
Łukašenkaŭcy ŭzialisia za tych, chto dasyłaŭ paviedamleńni ŭ Nexta — imavierna, Pratasievič nikoli nie čyściŭ čaty
Jak pačyścić telehram-boty, kab nie zastałosia nijakich śladoŭ VIDEA
Ciapier čytajuć
Maładuju biblijatekarku z Horak asudzili za pratesty2
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary