Рота Сахашчыка аб'явіла набор вайсковых спецыялістаў
Абвестка пра набор прафесіяналаў вайсковых спецыяльнасцяў для беларускай асобнай дэсантна-штурмавой роты, фармаваннем якой займаецца прадстаўнік па абароне і нацыянальнай бяспецы Аб'яднанага пераходнага кабінета Беларусі Валерый Сахашчык, з'явілася ў тэлеграм-канале АПКБ.
04.08.2023 / 18:54
Падраздзяленню патрэбныя:
- байцы (стралкі, кулямётчыкі, сапёры);
- аператары беспілотнікаў;
- аператары цяжкага ўзбраення;
- спецыялісты медыцынскай службы;
- IT-спецыялісты;
- супрацоўнікі штаба.
Сярод задач, якія гэтым спецыялістам давядзецца вырашаць, называюцца дэзарганізацыя кіравання і работы тылу праціўніка, барацьба з групоўкамі праціўніка на асобных напрамках, заняцце і ўтрыманне важных аб’ектаў і рубяжоў у інтарэсах групоўкі сваіх войскаў і інш.
Перавага аддаецца кандыдатам з баявым досведам, кадравым вайскоўцам, спартсменам.
Для ўсіх байцоў прадугледжанае грашовае забеспячэнне ў залежнасці ад кампетэнцый, навыкаў, пасады і выкананых задач.
Больш падрабязную інфармацыю прапануецца шукаць у канале самога падраздзялення.
Чытайце таксама:
Сахашчык: У расійскім войску мяркуюць, што Беларусь падарылі Прыгожыну
Сахашчык: Шанцаў у беларускай сістэмы выстаяць у крызіснай сітуацыі няма