Na budaŭnictvie «Minsk Śvietu» znoŭ zahinuŭ rabočy, jon užo siomy
Na budaŭnictvie adnaho sa šmatpaviarchovikaŭ u žyłym kompleksie «Minsk Śviet» zahinuŭ rabočy. Mužčyna sarvaŭsia z vyšyni ŭ šachtu lifta i raźbiŭsia. Niaščasny vypadak adbyŭsia ranicaj 8 žniŭnia.
08.08.2023 / 16:50
Cieła 47-hadovaha armaturščyka znajšli z prykmietami padzieńnia.
«Papiarednie ŭstanoŭlena, što, znachodziačysia na adnym z pavierchaŭ budynka, jaki budujecca, mužčyna ŭpaŭ u šachtu. Ad atrymanych traŭmaŭ jon pamior», — paviedamlaje pres-słužba Śledčaha kamiteta.
Raniej na hetaj budoŭli nieadnarazova ŭžo zdaralisia trahičnyja vypadki sa śmiarotnym zychodam. Tak, u listapadzie 2022 hoda tut sarvałasia mietaličnaja stojka, jakaja zabiła 35-hadovaha armaturščyka. U studzieni 2023-ha 31-hadovy mular upaŭ z vyšyni čaćviortaha paviercha i pamior na miescy. Usiaho ž za try hady na budoŭli hetaha žyłoha kompleksu atrymali śmiarotnyja traŭmy ŭžo siem čałaviek.
Čytajcie taksama:
Ukrainka sprabavała ŭvieźci ŭ Biełaruś 100 tysiač dalaraŭ biez dekłaracyi
DTZ pad Rečycaj — adzin čałaviek zahinuŭ, čaćviora paciarpieli
U Minsku ad udaru małanki zaharełasia dreva, a ŭ Vilejskim rajonie ad niepahadzi zahinuŭ čałaviek