Ukrainka sprabavała ŭvieźci ŭ Biełaruś 100 tysiač dalaraŭ biez dekłaracyi
Bresckaja transpartnaja prakuratura vydała sankcyju na zaklučeńnie pad vartu 41-hadovaj inšaziemki, jakaja sprabavała niezakonna ŭvieźci ŭ Biełaruś bujnuju sumu valuty.
Incydent, jak paviedamlajecca, adbyŭsia 28 lipienia. Fakt utojvańnia valuty vyjavili supracoŭniki Bresckaj mytni padčas pravierki lehkavika, jaki zajazdžaŭ z Polščy.
U mašynie znachodzilisia zamiežnyja hramadzianie — žančyna i dvoje mužčyn. Kožny ź ich zadekłaravaŭ peŭnyja sumy, ale žančyna pieradała svajmu spadarožniku 100 tysiač dalaraŭ, bo nie mieła dakumienta, jaki paćviardžaje pachodžańnie hetych hrošaj.
Pavodle hetaha fakta Bresckaja mytnia raspačała kryminalnuju spravu pavodle č. 2 art. 228 KK Biełarusi, hrošy kanfiskavali.
Žančynie vystavili abvinavačańnie ŭ niezakonnym pieramiaščeńni praz mytnuju miažu Jeŭrazijskaha ekanamičnaha sajuza bujnoj sumy. Sankcyja artykuła praduhledžvaje pakarańnie ad štrafu da piaci hadoŭ pazbaŭleńnia voli.
Pra hramadzianstva žančyny prakuratura nie paviedamlaje, ale z prykładzienaha fota, zroblenaha na mytni, možna mierkavać, što havorka idzie pra hramadzianku Ukrainy.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary