Kačanava raskazała kiraŭnikam minskich pradpryjemstvaŭ, jak jany pavinny pracavać
Staršynia Savieta Respubliki siońnia paŭdzielničała ŭ pasiedžańni Minharvykankama, pryśviečanym vynikam sacyjalna-ekanamičnaha raźvićcia stalicy za pieršaje paŭhoddzie.
10.08.2023 / 13:53
Natalla Kačanava. Fota: Minsk-naviny
«My źbiralisia pa vynikach pieršaha kvartała, damaŭlalisia, što da kanca paŭhoddzia ŭsio budzie zroblena. Ale vykanany nie ŭsie zadačy. Usio, što tyčycca abjektyŭnych pryčyn, niezaležnych ad Minharvykankama, jaho staršynia Uładzimir Kucharaŭ ahučyŭ na pasiadžeńni Savieta ministraŭ. Liču, što respublikanskija orhany kiravańnia pavinny padklučycca da hetaj pracy», — skazała Natalla Kačanava.
Śpikierka vierchniaj pałaty parłamienta nahadała ŭdzielnikam pasiedžańnia słovy Łukašenki pra toje, što ŭ asnovie ŭsiaho lažyć ekanomika.
«Kiraŭnik dziaržavy vyrazna paznačyŭ zadaču vykanać prahnoznyja pakazčyki sacyjalna-ekanamičnaha raźvićcia. Treba siońnia rabić usio mahčymaje i niemahčymaje i nie treba spasyłacca na nijakija sankcyi. Vy pavinny pracavać tak, jak maje być. Siońnia čas mahčymaściaŭ. Kožny za svajo pradpryjemstva pavinien adkazvać. Razmova pa vynikach pracy za 9 miesiacaŭ budzie vielmi surjoznaja. Treba pryniać usie miery dla vykanańnia prahnoznych pakazčykaŭ», — reziumavała Natalla Kačanava.
Čytajcie taksama:
Natalla Kačanava: Nie budzie nam ščaścia nidzie ŭ inšaj krainie
Natalla Kačanava: My pravodzim vialikuju pracu ŭ krainie, kab zrabić žyćcio našych ludziej lepšym
Natalla Kačanava prapanavała pravieści invientaryzacyju pramysłovaści Biełarusi i Rasii