Natalla Kačanava: Nie budzie nam ščaścia nidzie ŭ inšaj krainie
«Takija niezaležnyja krainy, jak Biełaruś, — kostka ŭ horle dla Zachadu», — zajaviła staršynia Savieta Respubliki.
«Takija niezaležnyja i sacyjalna aryjentavanyja krainy, jak Biełaruś, — kostka ŭ horle dla Zachadu. Pra heta zajaviła staršynia Savieta Respubliki Natalla Kačanava padčas sustrečy z pracoŭnym kalektyvam AAT «Minski domabudaŭničy kambinat», piša BiełTA.
«Vy bačycie, što palityčnaja situacyja, jakaja składvajecca vakoł našaj krainy, sapraŭdy niaprostaja. Kali jašče ŭ 2020 hodzie kamuści było niezrazumieła, to try hady prajšło — i ŭsie ŭbačyli, što heta było vyrazna nakiravana na razvał našaj krainy. Takija krainy, jak naša, — kostka ŭ horle dla mnohich. Bo my žyviom svaim rozumam, svaimi tradycyjami, i ŭsio ŭ krainie robicca dla naroda. Ale samaje hałoŭnaje — treba razumieć, što treba zachavać krainu. Nie budzie nam ščaścia nidzie ŭ inšaj krainie», — skazała Natalla Kačanava.
Biełaruś za 30 hadoŭ zdoleła pabudavać suvierennuju, niezaležnuju krainu, jak miarkuje treci čałaviek u krainie.
«My dakładna pamiatajem, što adbyvałasia i jak my apynulisia na razvale Savieckaha Sajuza. Była kraina — i niama. I voś za hety pieryjad pabudavali pryhažuniu-krainu.
Siońnia ŭsie pryjazdžajuć i kažuć: cudoŭnaja kraina. Vučyciesia, pracujcie, stvarajcie siemji, naradžajcie dziaciej. Chto jak choča realizavać siabie ŭ našaj krainie — usie mahčymaści dla hetaha jość», — adznačyła śpikier.
«Sacyjalna aryjentavanaja dziaržava — naš pryjarytet, — padkreśliła Natalla Kačanava. — Kab zachavać tyja sacyjalnyja vyhody, jakija maje naša dziaržava i našy ludzi, pavinny pracavać pradpryjemstvy, bo adličeńnie padatkaŭ, farmiravańnie biudžetu dazvalaje vypłačvać piensii, dapamohu siemjam, jakija vychoŭvajuć dziaciej, vyrašać pytańni ŭ [halinie] achovy zdaroŭja, nabyvajučy sučasnaje abstalavańnie i vypłačvajučy zarabotnuju płatu lekaram, nastaŭnikam,
harantujučy biaśpieku našaj krainy i spakoj na našych vulicach.
Heta darahoha varta. I na heta ŭsio, viadoma, patrebnyja srodki. Dla hetaha pavinny pracavać takija pradpryjemstvy, jak vaša».
Siłaviki razhramili M1 — samaje papularnaje ŭ rasijan biełaruskaje kazino7
Kamientary