96-hadovaja ŭkrainka ŭpieršyniu atrymała zamiežny pašpart. Jana źbirajecca lacieć u Amsterdam da ŭnučki
«Chaču śviet ubačyć. Ja šmat knih čytała, ja viedaju, što, dzie i jak, ale pamirać budu va Ukrainie», — kaža Natalla Kospa.
11.08.2023 / 06:46
Skrynšot videa
Žycharka Rovienskaj vobłaści Natalla Kospa ŭpieršyniu atrymała zamiežny pašpart u 96 hadoŭ i płanuje palacieć u Amsterdam naviedać unučku. Pra heta paviedamlaje UNIAN sa spasyłkaj na Ministerstva ŭnutranych spraŭ Ukrainy.
«Babula maryć naviedać unučku ŭ Niderłandach. Niepakoicca, što ŭ takim padarožžy jość ryzyka. Ale jana ŭpeŭnienaja — dakładna vytrymaje», — raspaviadajuć u ministerstvie.
U MUS adznačajuć, što svoj duch žančyna zahartavała ŭ Druhuju suśvietnuju vajnu. Jana była suviaznoj UPA, za što savieckaja ŭłada źniavoliła 17-hadovuju Natallu na dva hady. Žančyna raspaviadaje, što jaje dapytvali čatyry dni zapar.
Taksama Natalla Kospa ź dziacinstva pisała vieršy i vydała zbornik «Niezabudka».
Paśla vizitu za miažu piensijanierka abiacaje viarnucca va Ukrainu.
«Chaču śviet ubačyć. Ja šmat knih čytała, ja viedaju, što, dzie i jak. Va Ukrainu viarnusia, bo doŭha nidzie nie mahu być — nie chaču pamirać nidzie, tolki va Ukrainie», — zajaviła žančyna.
Čytajcie taksama:
Znojdzienaja mietryka naradžeńnia i chryščeńnia Janki Maŭra
Pamierła Tekla Junievič — najstarejšy čałaviek našaha rehijona za ŭsiu historyju