Kiraŭnik Bresckaj vobłaści kalekcyjanuje zubroŭ
Staršynia Bresckaha abłasnoha vykankama Juryj Šulejka sabraŭ u svaim kabiniecie vialikuju kalekcyju fihurak zubroŭ.
13.08.2023 / 09:47
Juryj Šulejka i jaho zubry. Fota: telehram-kanał Bresckaha abłvykankama.
U stełažy bačna kala 20 roznych statuetak lasnoha vołata. Fota apublikavaŭ telehram-kanał Bresckaha abłvykankama.
Novaha zubra ŭ kalekcyju Šulejku dniami padaryŭ kiraŭnik Viciebskaj vobłaści.
54-hadovy čynoŭnik — ź miastečka Kazłoŭščyna Dziatłaŭskaha rajona. Vučyŭsia ŭ Mahiloŭskim technałahičnym univiersitecie (1992). Potym staŭ pracavać na Hrodzienskim miasakambinacie, dzie ź nievialikimi paŭzami adpracavaŭ da 2005 hoda.
Potym jašče siem hadoŭ addaŭ pracy ŭ śfiery miasa — u Lidzie i Hrodnie. U 2012 spačatku staŭ namieśnikam staršyni Hrodzienskaha rajvykankama, a ŭ 2013 — abłvykankama. U 2017-m Łukašenka pryznačyŭ Šulejku pamočnikam pa Homielskaj vobłaści, a ŭ studzieni 2021-ha jaho pryznačyli kiraŭnikom Bresckaj vobłaści.
Čytajcie taksama:
Raskazvajem cikavyja fakty pra novaha kiraŭnika Bresckaj vobłaści Juryja Šulejku