Ministr z Respubliki Komi paprasiŭ palityčnaha prytułku ŭ ZŠA. Jon tam pracuje dalnabojščykam
Dzianis Šaronaŭ — były ministr sielskaj haspadarki i spažyvieckaha rynku Respubliki Komi (Rasija), jon pakinuŭ hetuju pasadu ŭ studzieni 2022 hoda. U razmovie z RTVI Šaronaŭ raspavioŭ, što ŭ kastryčniku 2022-ha atrymaŭ pozvu ŭ vajenkamat, paśla čaho źjechaŭ u ZŠA i paprasiŭ palityčny prytułak.
16.08.2023 / 07:07
Dzianis Šaronaŭ. @sharonov.khp
— Ja staŭ atrymlivać sihnały, što mnie niebiaśpiečna zastavacca ŭ Rasii, a kali ŭ kastryčniku 2022-ha pryjšli z vajenkamata ŭručyć pozvu na moj adras rehistracyi, mnie ŭžo ničoha nie zastavałasia rabić. Choć ja pa ŭzroście, u pryncypie, nie toje, kab padychodziŭ. Ja zrazumieŭ, što heta sihnał z respubliki, dzie ja pracavaŭ. I heta prosta sposab pazbavicca ad niepažadanych ludziej. Mnie pašancavała ŭ papiarednich dvuch pieraśledach mianie, ale hetym razam ja razumieŭ, što mnie nie adbicca. Mnie ničoha nie zastavałasia rabić, jak pakinuć krainu, — raskazaŭ jon.
«Adzinaje miesca, na jaho pohlad, adkul niama vydačy [u Rasiju], dzie ciabie nie mohuć niejak padstavić i departavać — heta ZŠA, tamu ja akazaŭsia tut i zapytaŭ palityčny prytułak».
Ciapier jon lehalizujecca i asvojvajecca na novym miescy.
«Zrazumieła, što taja praca, jakoj ja ciapier zajmajusia — dalnabojščyk na boxtruck'e — heta praca nie viečnaja. Ale pracu treba z čahości pačynać, a prafiesija dalnabojščyka ŭ ZŠA adna z samych raspaŭsiudžanych. Dalej usio budzie zaležać ad taho, jak budzie prachodzić praces majoj lehalizacyi tut: biezumoŭna, mnie b chaciełasia dalej pracavać u sielskaj haspadarcy, dośvied i viedy vialikija nazapašanyja, z movaj u mianie ŭsio ŭ paradku», — kaža Dzianis Šaronaŭ.