BATE vylecieŭ u Lihu kanfierencyj, a «Nioman» zusim ź jeŭrakubkaŭ
Siońnia prajšli matčy ŭ adkaz treciaha raŭndu kvalifikacyi futbolnych jeŭrakubkaŭ.
17.08.2023 / 22:54
BATE hulaŭ z małdoŭskim «Šeryfam». Tydzień tamu barysaŭski kłub u haściach razhromna prajhraŭ ź likam 1:5. Siońnia ŭ Vienhryi była ničyja 2:2.
Biełaruski kłub zabiŭ pieršym (Kancavy), potym dvojčy prapuściŭ i ŭ kancy hulni zdoleŭ zraŭniać (Łapcieŭ).
BATE praciahnie vystup u kvalifikacyi treciaha pa značnaści turnira — Lizie kanfierencyj. Jaho supiernikam u raŭndzie płej-of budzie čempijon Kosava «Bałkani», jaki dvojčy pieramoh hibrałtarski «Linkoln» — 2:0 i 3:1. Pieršy matč užo praz tydzień.
Kali BATE projdzie kasavaraŭ, to trapić u hrupavy raŭnd Lihi kanfierencyj.
«Nioman» zusim pakidaje jeŭrakubki. U kvalifikacyi Lihi kanfierencyj jon dvojčy sastupiŭ słavienskamu «Cele» — tydzień tamu 0:1, a siońnia na niejtralnym poli ŭ Vienhryi ź likam 1:4.
Čytajcie taksama:
UEFA nazvała trojku pretendentaŭ na zvańnie hulca siezona 2022-2023