«Kab zrabić svoj ścipły ŭniosak u ahulnuju spravu». Futbalistaŭ «Tarpieda-BiełAZ» adpravili na pracu ŭ kałhas
Hulcoŭ i trenieraŭ futbolnaha kłuba «Tarpieda-BiełAZ» z Žodzina adpravili dapamahać padšefnamu sielskahaspadarčamu pradpryjemstvu, paviedamiła pres-słužba kamandy.
![](http://nashaniva.com/img/w732d4webp1/photos/z_2023_08/a8p1e1hypolkwe39mp6y7mssdit6fkw3-f6qf6.jpg.webp)
Pavodle aficyjnaj viersii pres-słužby, vyjezd futbalistaŭ nie na futbolnaje pole byŭ vynikam ich unutranych impulsaŭ:
![](http://nashaniva.com/img/w732d4webp1/photos/z_2023_08/08b6b578dj9pl7w8ni1aaw32fp7rluj2-fibye.jpg.webp)
«Takuju inicyjatyvu tarpiedaŭcy prajavili, kab zrabić svoj ścipły ŭniosak u ahulnuju spravu zabieśpiačeńnia charčovaj biaśpieki krainy, a taksama adčuć prynaležnaść da šmathrannaj dziejnaści pradpryjemstva, jakoje źjaŭlajecca hałoŭnym sponsaram futbolnaha kłuba».
![](http://nashaniva.com/img/w732d4webp1/photos/z_2023_08/k0a65wihkve45h8t2b1pskexaggg7ioy-cd3w6.jpg.webp)
Pracavali spartsmieny ŭ SVK «Pieršamajski», jaki naležyć Biełaruskamu aŭtazavodu. A daručyli im taki adkazny ŭčastak, jak źbirańnie z pola kamieńnia.
![](http://nashaniva.com/img/w732d4webp1/photos/z_2023_08/cz3q0xgswx8f33ssae6xr4gig13b4imf-wkwxm.jpg.webp)
Treba dumać, što vyniki hetaj pracy dla futbalistaŭ byli bolš paśpiachovyja, čym ułasna spartyŭnyja. Tak, na minułych vychadnych kłub źvioŭ sustreču sa «Smarhońniu» da ničyjoj 1:1, a da hetaha sastupiŭ bresckamu «Dynama» ź likam 1:2. U kvalifikacyi ŭ Lizie kanfierencyj tarpiedaŭcy taksama nie mieli pośpiechu ŭ supraćstajańni z kiprskim AJEKam.
![](http://nashaniva.com/img/w732d4webp1/photos/z_2023_08/rv095k9dov3abe1sxrdwuavdaofey9dn-fnqdl.jpg.webp)
Kamientary