Vyjšaŭ na volu Andrej Skurko
Całkam adbyŭšy prysudžanyja jamu 2 z pałovaj hady źniavoleńnia, sa mahiloŭskaj kałonii siońnia, 18 žniŭnia, vyzvaliŭsia kolišni supracoŭnik «Našaj Nivy» Andrej Skurko. Pra heta ŭ sacyjalnych sietkach paviedamiła jahonaja žonka Paŭlina.
18.08.2023 / 17:47
Andreja Skurko zatrymali 8 lipienia 2021 hoda. U sakaviku 2022-ha jaho pryznali vinavatym pavodle č. 2 art. 216 Kryminalnaha kodeksa i prysudzili da 2,5 hadoŭ pazbaŭleńnia voli ŭ kałonii ahulnaha režymu.
Na voli Andreja čakali žonka Paŭlina i maleńki synok Tamašyk. Dla syna Skurko ŭvieś čas źniavoleńnia pisaŭ dziciačyja vieršy, jakija skłali asnovu zbornika «Pra słanoŭ i barsučkoŭ», vydadzienaha letaś.
Taksama za kratami Andrej Skurko pierakłaŭ «Doktara Ajbalita» Karnieja Čukoŭskaha, jaki staŭ biełaruskim «Doktaram Budź-Zdaroŭ». Hety pierakład taksama niadaŭna vyjšaŭ drukam.
Čytajcie taksama: