U Voranaŭskim rajonie pamiežniki zatrymali biełarusaŭ ź bieśpiłotnikam
Lidskija pamiežniki ŭnačy 18 žniŭnia zatrymali dvuch biełarusaŭ u Voranaŭskim rajonie, jakija mieli namier zapuścić bieśpiłotnik cieraź biełaruska-litoŭskuju miažu, paviedamlaje Pamiežny kamitet.
19.08.2023 / 11:02
Skrynšot videa HPK
Incydent adbyŭsia niepadalok ad vioski Haradzišča. Padčas niasieńnia słužby pamiežniki vyjavili dvaich mužčyn, a pobač ź imi znachodziŭsia bieśpiłotnik, kamplektujučyja da jaho i srodki radyjosuviazi. BPŁA pavinien byŭ «adpravicca» ŭ Litvu.
Pamiežniki spynili zapusk bieśpiłotnaha latalnaha aparata, apierataraŭ drona zatrymali, pačaty administracyjny praces.
Parušalnikam zaraz pahražaje vielizarny štraf, bo zapusk bieśpiłotnikaŭ la miažy zabaronieny. Suma spahnańnia moža dasiahać 50 bazavych vieličyń (1 850 rubloŭ).
Čytajcie taksama:
Biełarusy raskazali, što adbyvajecca na miažy ź Litvoj napiaredadni mahčymaha zakryćcia KPP
Polskuju miažu z boku Biełarusi parušajuć mihranty z rasijskimi vizami