U Škłovie padletak praź niaŭvažlivaść urezaŭsia ŭ hruzavik. Ale pad kryminałku trapiŭ kiroŭca hruzavika
19 žniŭnia kala 14:00 na vulicy 70 hadoŭ Vialikaj Pieramohi ŭ Škłovie 14-hadovy viełasipiedyst, zajazdžajučy ŭ dvarovuju terytoryju, prajaviŭ niaŭvažlivaść i stuknuŭsia ŭ zadniuju častku aŭtamabila HAZ, paviedamlaje mahiloŭskaja milicyja.
20.08.2023 / 10:32
Hruzavik, u jaki ŭrezaŭsia padletak
Paśla DTZ kiroŭca paprasiŭ chłopčyka nie raspaviadać baćkam pra zdareńnie i ŭciok ź miesca avaryi.
Adnak padletak raskazaŭ pra heta maci, jana adviezła jaho ŭ balnicu. Jak akazałasia, školnik złamaŭ ruku.
Supracoŭniki DAI Škłoŭskaha RAUS zatrymali kiroŭcu, jaki ŭžo paśpieŭ vypić śpirtnoha. U dačynieńni da mužčyny składzieny pratakoły za ŭžyvańnie ałkaholu paśla DTZ i ŭcioki ź miesca avaryi.
Čytajcie taksama:
Biełarus trapiŭ u DTZ u Niamieččynie. Paciarpieła dzicia, a škoda ad avaryi skłała 12 tysiač jeŭra