Avaryja zdaryłasia praz razhiermietyzacyju levaha piaredniaha koła, dać rady kiravańniu kiroŭcu hruzavika nie ŭdałosia.
Avaryja adbyłasia ŭviečary 25 lipienia na 15-m kiłamietry aŭtadarohi R-20 Viciebsk — Połack — miaža z Łatvijaj.
51-hadovy kiroŭca aŭtapojezda Scania nie spraviŭsia z kiravańniem praz razhiermietyzacyju piaredniaha levaha koła. U vyniku hruzavik vyjechaŭ na sustrečnuju pałasu, źjechaŭ u levy kiuviet, pierakuliŭsia, a zatym zahareŭsia.
U paŭpryčepie pieravoziŭsia niebiaśpiečny hruz druhoha i treciaha kłasa.
U avaryi nichto nie paciarpieŭ. Miesca DTZ niekatory čas było ačeplena.
Da druhoha kłasa niebiaśpiečnych hruzaŭ adnosiacca ścisnutyja, zvadkavanyja achaładžeńniem i rastvoranyja pad ciskam hazy. Da treciaha — lohkaŭzharalnyja vadkaści, sumiesi vadkaściaŭ, a taksama vadkaści, jakija źmiaščajuć ćviordyja rečyvy ŭ rastvory, jakija vyłučajuć lohkaŭzharalnuju paru, što maje tempieraturu vybuchu ŭ zakrytym tyhli 60°S i nižejšuju, piša «Sputnik».
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu3
Kamientary