«Na niekalkich kirunkach my idziom napierad» — Zialenski pra kontrnastup
Prezident Ukrainy na pytańnie ab kontrnastupie adkazaŭ, što Ukraina patrochu ruchajecca napierad, choć heta i vielmi ciažka praz toje, što rasijanie ščylna staviać miny, piša «Ukrainskaja praŭda».
23.08.2023 / 14:43
Pietery Orpa i Uładzimir Zialenski. Fota: Ofis prezidenta Ukrainy
«My siońnia havaryli z premjer-ministram [Finlandyi Pietery Orpa]. Kali vy nie suprać, nie ŭsio budu publična kazać, ale my bačym, što na niekalkich kirunkach my idziom napierad. Nam vielmi składana, vielmi ščylnaje miniravańnie, prosta tysiačy min — heta toje, što pakidaje paśla siabie Rasija.
Samaja hałoŭnaja tendencyja, pra jakuju mnie štodnia dakładvajuć vajskoŭcy, — my ŭvieś čas ruchajemsia i ruchajemsia napierad. Tak, patrochu, ale kirunak pravilny».
22 žniŭnia ŭ Minabarony Ukrainy paviedamili, što 47-ja bryhada z bojem uvajšła ŭ siało Rabocina Zaparožskaj vobłaści i arhanizavała evakuacyju mirnych žycharoŭ. Rasijanie abstrelvajuć siało z artyleryi.
16 žniŭnia aficyjna paćvierdzili, što USU vyzvalili Uradžajnaje ŭ Danieckaj vobłaści.
Čytajcie taksama:
Ukraincy z bojem uvajšli ŭ Rabocina, adtul evakuirujuć mirnych žycharoŭ
Zialenski zajaviŭ, što hatovy abmianiać Biełharad na členstva Ukrainy ŭ NATA
Čamu ŭkrainskaje kontrnastupleńnie idzie pavolniej, čym čakałasia