Ukraincy z bojem uvajšli ŭ Rabocina, adtul evakuirujuć mirnych žycharoŭ
Vajskoŭcy USU z bojem uvajšli ŭ siało Rabocina Zaparožskaj vobłaści i arhanizavali evakuacyju miascovych žycharoŭ, paviedamiła namieśnica ministra abarony Ukrainy Hanna Malar.
Pa słovach Malar, u Rabocina ŭvajšli bajcy 47-j asobnaj miechanizavanaj bryhady. Jany pačali evakuiravać žycharoŭ na BMP Bradley.
«Našy bajcy vykonvajuć płanavuju bajavuju pracu i źniščajuć voraha. U adkaz rasijcy bieśpierapynna abstrelvajuć Rabocina z artyleryi. Praciahvajucca bai», — napisała Malar u telehram-kanale.
Minabarony Rasii pakul nie kamientavała zajavy namieśnicy ministra abarony Ukrainy.
Ciapier Ukrainy viadzie kontrnastupleńnie. Učastak frontu na poŭdzień ad Arechava pamiž siołami Rabocina i Vierbava — kirunak, na jakim znachodzicca hrupoŭka USU kolkaściu da 50 tysiač čałaviek. Dakładna viadoma, što ŭkrainskim vajskoŭcam udałosia prarvacca praź minnyja pali i zamacavacca na paŭnočna-ŭschodniaj uskrainie Rabocina, piša «Mieduza».
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary
U Biełarusi "Majbach " , TRC Karona,
palitviazni