Pad Červieniem miadźviedź pasialiŭsia na kukuruznym poli pobač z chatami
Žychary viosak Viedryca, Krasina, Chutar u Červieńskim rajonie raskazali, što apošnim časam pobač ź imi pasialiŭsia miadźviedź. Jon nie baicca vychodzić da darohi, a žyvie i ŭvohule ŭ kukuruznym poli pobač z chatami.
23.08.2023 / 17:14
Fota: t.me / chervenby
«Siońnia dzieści a pałovie na šostuju ranicy ja padvoziŭ žonku na aŭtobusny prypynak kala «Mahiloŭki», — pieradaje słovy miascovaha žychara Michaiła Jakavina telehram-kanał «Naviny Červieńščyny».
Pa słovach mužčyny, miadźviedź chadziŭ zusim pobač, mietraŭ za piaćdziasiat ad prypynku. Atrymałasia navat zrabić fota.
Fota: t.me / chervenby
«Jon sprabavaŭ vybracca na šašu, ale, mabyć, spałochaŭsia mašyn. Praŭda, paźniej ludzi bačyli jaho i na tym baku, u napramku Chutara. Tak što, mabyć, pieralez. Hety miadźviedź užo nie pieršy dzień tut tulajecca, a adpačyvaje, chutčej za ŭsio, u kukuruzie, jakaja raście za kramaj», — ličyć Michaił.
Čytajcie taksama:
U Biełarusi stvorać novuju Čyrvonuju knihu i vyklučać ź jaje niekatoryja vidy
Miadźviedź naviedaŭsia ŭ elitny katedžny pasiołak pad Minskam
Miadźviedzia sustreli ŭ Baraŭlanach, za 100 mietraŭ ad žyłych damoŭ
Jak pavodzić siabie pry sustrečy ź dzikimi žyviołami — rajać śpiecyjalist i byvały palaŭničy