Arciomu Labiedźku dali try z pałovaj hady kałonii
Syna palityka Anatola Labiedźki sudzili za «finansavańnie ekstremisckaj dziejnaści».
24.08.2023 / 15:06
Arciom Labiedźka
Zhodna z materyjałami spravy, jak piša BiełTA, abvinavačany «zrabiŭ niekalki hrašovych pieravodaŭ trom arhanizacyjam, pryznanym ekstremisckimi».
Padčas pracesu mužčyna nie pryznaŭ viny i zajaviŭ, što jamu absalutna niezrazumieła sutnaść vystaŭlenych abvinavačańniaŭ i jon nie razumieje, za što jon znachodzicca na łavie padsudnych. Arciom davaŭ pakazańni ŭ formie adkazaŭ na pytańni dziaržaŭnaha abvinavaŭcy, piša «Viasna».
Arcioma, syna palityka Anatola Labiedźki, zatrymali 28 sakavika i potym dvojčy asudzili na 15 sutak aryštu. Paśla suprać jaho zaviali kryminalnuju spravu i źmiaścili pad vartu.
Sud nad im pačaŭsia ŭ paniadziełak.
Čytajcie taksama:
Palitźniavoleny Arciom Labiedźka nie pryznaŭ viny
«Prapanoŭ adkupicca nie było». Spravu syna Labiedźki chutka pieradaduć u sud