Kolki za miesiac zarablaje kiroŭca, jaki adpracavaŭ 30 dzion
U tyktoku adzin ź biełaruskich karystalnikaŭ vykłaŭ videa sa zdymkam raźlikovaha listka za lipień.
24.08.2023 / 15:51
Ilustracyjny zdymak. Fota: «Naša Niva»
Jak paznačana ŭ listku, čałaviek, jaki pracuje na pasadzie kiroŭcy, u minułym miesiacy adpracavaŭ 326 hadzin (30 dzion). Norma dla jaho pasady — 165 hadzin (25 dzion).
Za miesiac pracy ź pierapracoŭkami i rabotaj u vychadnyja dni jamu naličyli 1858 rubloŭ 83 kapiejki. Ź ich za pierapracoŭku — 253 rubli, za pracu ŭ vychadnyja — 263.
Videa mužčyna supravadziŭ słovami «Ad raboty dochnuć koni».
Skrynšot z tyktoka kiroŭcy
U vyniku, z ulikam avansu, jon atrymaŭ na ruki 1058 rubloŭ 76 kapiejek. Ale treba ŭličvać, što, aproč hetaha, u mužčyny ŭtrymali 515 rubloŭ na alimienty i štraf.
Kali ž ad naličanaha zarobku vyličyć tolki padachodny padatak dy piensijny i prafsajuzny ŭznosy, to atrymajecca 1602 rubli. Heta kala 500 dalaraŭ pa biahučym kursie.
U kamientaryjach pad publikacyjaj niekatoryja karystalniki pišuć, što heta narmalna, kali za stolki hadzin pracy vychodzić takaja suma.
Skrynšot z tyktoka @V271122
«Ja pracavaŭ u sietcy «Susiedzi», za 30 dzion ja maksimum zarablaŭ 1400», — napisaŭ adzin z karystalnikaŭ.
Biełarus ukłaŭ volnyja 5000 dalaraŭ u akcyi. Što stała z hrašyma praz 1,5 hoda