Aleks Halčaniuk, jaki sa skandałam pakinuŭ NCHŁ, budzie hulać za pieciarburhski SKA
Kantrakt z amierykanskim forvardam biełaruskaha pachodžańnia raźličany na dva hady, paviedamlaje pres-słužba rasijskaha kłuba.
26.08.2023 / 12:38
Fota: SKA (Sankt-Pieciarburh)
9 lipienia forvard «Aryzony Kajots» Aleks Halčaniuk byŭ zatrymany palicyjaj horada Skotsdejł, paśla taho, jak urezaŭsia na aŭtamabili ŭ darožny znak. Chakieist nieadnarazova vykarystoŭvaŭ rasavyja abrazy ŭ adras supracoŭnika palicyi padčas zatrymańnia i pahražaŭ zabić dvuch palicejskich.
Halčaniuk tady spasłaŭsia na suviazi ŭ Maskvie, skazaŭšy: «Ja źbirajusia parezać ciabie, tvaju žonku, tvaju dačku» i «Adzin telefonny zvanok – i vy ŭsie miortvyja, usia vaša siamja, vaša radnia buduć miortvyja», — havaryłasia ŭ spravazdačy palicyi.
U vyniku jamu pieršapačatkova vystavili šeść abvinavačvańniaŭ: u napadzie na pryvatnuju ŭłasnaść, chulihanstvie, avaryi, niepadparadkavańni i supracivie aryštu, a taksama ŭ pahrozach palicyjantam. Chakieista spačatku zaklučyli pad aryšt, a zatym adpuścili pad padpisku ab niavyjeździe.
21 žniŭnia sud Skotsdejła źniaŭ z Halčaniuka piać z šaści abvinavačvańniaŭ, u tym liku abvinavačvańni ŭ chulihanstvie i supracivie aryštu, prysudziŭšy 30 sutak aryštu.
Adzin dzień z terminu źniavoleńnia spartśmienu zaličyli jak adbyty, bo jon sutki pravioŭ pad vartaj.
Taksama paviedamlałasia, što 27 dzion buduć admienienyja paśla paśpiachovaha prachodžańnia spartśmienam prahramy lačeńnia ad ałkahalizmu i 12 miesiacaŭ biez užyvańnia ałkaholu.
Halčaniuk vystupaŭ u NCHŁ za «Manreal», «Aryzonu», «Pitsburh», «Miniesotu», «Atavu», «Taronta» i «Kałarada». Na siezon-2023/24 Halčaniuk znoŭ padpisaŭ pahadnieńnie z «Aryzonaj», jakoje było skasavana praz 12 dzion paśla jaho aryštu. Paśla hetaha źjaviłasia infarmacyja, što Aleks praciahnie karjeru ŭ Kantynientalnaj chakiejnaj lizie.
SKA dvojčy vyjhravaŭ Kubak Haharyna (hałoŭny pryz KCHŁ), heta było ŭ 2015 i 2017 hadach, u siezonie 2022-2023 zavajavaŭ bronzu.
Čytajcie taksama:
Biełaruskaha chakieista ŭ ZŠA Halčaniuka prysudzili da 30 sutak aryštu. Jon faktyčna vyjšaŭ suchim z vady
«Halčaniuku vystaŭlena abvinavačańnie». Stała viadoma, z-za čaho syn eks-hulca zbornaj Biełarusi pazbaviŭsia kantrakta ŭ NCHŁ
Małady biełaruski bramnik padpisaŭ kantrakt z kamandaj NCHŁ