«Halčaniuku vystaŭlena abvinavačańnie». Stała viadoma, z-za čaho syn eks-hulca zbornaj Biełarusi pazbaviŭsia kantrakta ŭ NCHŁ
Napad na pryvatnuju ŭłasnaść, chulihanstva, niepadparadkavańnie, supraciŭleńnie aryštu i pahrozy abo zapałochvańnie.
13 lipienia stała viadoma, što «Aryzona» źmiaściła 29-hadovaha forvarda Aleksa Halčaniuka na draft admoŭ z metaj skasavańnia kantrakta — praz dva tydni paśla taho, jak chakieist pierajšoŭ u kłub.
Vyśvietliłasia, što Halčaniuk byŭ aryštavany 9 lipienia pa šerahu abvinavačańniaŭ, uklučajučy napad na pryvatnuju ŭłasnaść, chulihanstva, niepadparadkavańnie, supraciŭleńnie aryštu i pahrozy abo zapałochvańnie, jak paviedamlaje «Biełaruski chakiej» sa spasyłkaj na The Athletic.
U palicejskim upraŭleńni Skotsdejła paćvierdzili ŭsie fakty i zajavili, što «heta byŭ tolki materyjalny ŭron i nijakich traŭmaŭ nie było».
Pradstaŭnik turmy paviedamiŭ, što chakieist byŭ nakiravany ŭ haradskuju turmu ŭ niadzielu viečaram i vyzvaleny na nastupny dzień pad padpisku ab niavyjeździe.
Zhodna z pratakołam suda, u paniadziełak Halčaniuku było vystaŭlena abvinavačańnie.
Ahient Halčaniuka Pet Brysan pakul ad kamientaroŭ admoviŭsia.
Pradstaŭnik NHLPA skazaŭ: «My razhladajem hetaje pytańnie». Prafsajuz maje 60 dzion z daty skasavańnia kantrakta, kab vyrašyć, padavać skarhu ci nie.
Halčaniuk pravioŭ 654 matčy ŭ NCHŁ i nabraŭ 354 (146+208) ački. Chakieist abrany «Manrealem» pad trecim numaram na drafcie NCHŁ — 2012.
Baćka Aleksa Alaksandr Halčaniuk pravioŭ niamała matčaŭ za zbornuju Biełarusi, u tym liku i na Alimpijskich hulniach.
Sam Aleks adnojčy na zborach u Biełarusi prymieraŭ formu našaj nacyjanalnaj kamandy, adnak hulaje za zbornuju ZŠA.
U Rasii zatrymali kamandzira desantnikaŭ, jakija źvierstvavali ŭ Bučy. Ale zatrymali jaho za inšaje1
Kamientary