Pakaz «Barbi» ŭ Biełarusi admianiajecca?
Suśvietny kinošny fienomien hetaha leta, film «Barbi», z-za sankcyj prajšoŭ mima Biełarusi, ale ŭ vieraśni jaho ŭsio ŭsio ž taki abiacali pakazać, zastasavaŭšy miechanizmy abychodu. Ale, zdajecca, usio znoŭ idzie nie tak, piša Tochka.by.
26.08.2023 / 18:27
Fota: Matt Hunt/Anadolu Agency via Getty Images
Čytačy vydańnia źviarnuli ŭvahu, što z sajta «Kino Mienska» źnikła infarmacyja ab premjery «Barbi», jakaja była zapłanavanaja ŭ stalicy na 9 vieraśnia. Pošuk pa naźvie filma sapraŭdy nie vydaje vynikaŭ.
Skrynšot: kinominska.by
A ŭ śpisie premjer na pieršy vosieński miesiac 9 vieraśnia značacca tolki «Čarapaški-Nindzia: pahrom mutantaŭ».
Skrynšot: kinominska.by
Na kartcy «Barbi», jakuju možna znajści pa pramoj spasyłcy, dataj vychadu ŭ biełaruski prakat adznačana 24 žniŭnia — i hetaj ža dataj prakat nibyta zaviaršyŭsia.
Skrynšot: kinominska.by
Raniej paviedamlałasia, što ŭ kinateatrach Minska «Barbi» buduć krucić z 9 vieraśnia pa 4 kastryčnika.
U Rasii, dzie praz sankcyi z suśvietnymi premjerami taksama ŭsio składana, «Barbi» taksama płanavali zapuścić 9 vieraśnia. Adnak u subotu, 26 žniŭnia, pačali źjaŭlacca paviedamleńni, što pakazy stužki Hrety Hiervih u hety dzień u Maskvie admianiajucca, a z čym heta źviazana, nie kazali.
Vierahodna, rasijskija, a za imi i biełaruskija prakatčyki sutyknulisia z prablemami, zdabyvajučy ličbavuju kopiju amierykanskaj kinastužki. Bo niadaŭna stała viadoma, što Warner Bros. Pictures pieraniesła ličbavy reliz «Barbi» z 5 na 12 vieraśnia. Tamu mahčyma, što prakat u Biełarusi i Rasii taksama prosta zrušyŭsia na tydzień.
Suśvietnaja premjera «Barbi» adbyłasia 19 lipienia i bje raznastajnyja rekordy pa prahladach.
Čytajcie taksama:
Film «Barbi» viarnuŭ frazu «taksičnaja fieminnaść» u naviny
Ciapier i Barbi moža «kuplać biełaruskaje». Mark Formelle pakazaŭ kalekcyju adzieńnia dla lalek
Film «Barbi» sabraŭ užo miljard dalaraŭ u suśvietnym prakacie